hindi sila mga ipis
na basta lang tinitiris
dukha silang nagtitiis
sa dusa, hirap at amis
hindi sila mga lisa
na basta lang pinipisa
nagkataong sila'y dukha
hindi dapat pinupuksa
sila'y kapwa natin tao
na maaaring magbago
kung nagkasala ang tao
ay idaan sa proseso
sino bang dapat mausig
budhi ba'y nakaririnig
sino bang dapat malupig
puso mo ba’y naaantig
- gregbituinjr.
Walang komento:
Mag-post ng isang Komento