ANG AHAS AT ANG MGA KAWATAN
ni Gregorio V. Bituin Jr.
10 pantig bawat taludtod
anang ahas, nataboy ang tao
naiwan siya sa paraiso
tulad din ng mga pulitiko
na namamayagpag sa gobyerno
dukha'y itinaboy nilang todo
pagkat sa lunsod daw ay perwisyo
aba'y ahas pa'y nagmamayabang
Eden ang kanyang naging tahanan
nang tinaboy sina Eba't Adan
tulad din ng ilang lingkod-bayan
na nagpasasa sa kabang-yaman
gobyerno'y Eden nilang kawatan
