LANGAYLANGAYAN AKONG SUMISINTA
ni Gregorio V. Bituin Jr.
11 pantig bawat taludtod
langaylangayan akong sumisinta
sa isang rosas na sadyang kayganda
palipad-lipad, palipat-lipat pa
ng sanga upang rosas ay makita
rosas, ako'y iyong langaylangayan
sumasamba sa iyong kagandahan
sinta ko, nais kitang alagaan
at sa araw-araw, kita'y diligan
ikaw ang aking inspirasyong wagas
di ka dapat mawala, sintang rosas
gumaganda ka sa bawat lumipas
na araw sa paghahanda sa bukas
langaylangayan akong umiibig
o, rosas, nais kitang makaniig
