BALA, BALAT, BALATO
hilig kong maglaro ng salita
tulad ng BALA, BALAT, BALATO,
ITA, KITA, KITAM na kataga
tingni ang ALAY, MALAY, MALAYO
iba pa rin ang salitang tugma
na tulad ng PINTO, GINTO, HINTO
na madalas magamit sa tula
gaya nitong GUHO, BUHO, LUHO
dagdag-titik sa bawat salita
kaya tuloy nagmistulang laro
tila pagpipilipit sa dila
o tongue twister na ating nahango
pamagat nitong tula'y suriin
ang balato ba'y bala o balat?
namnamin kumbaga sa pagkain
at kayrami mong madadalumat
- gregoriovbituinjr.
03.26.2025
