MENTAL HEALTH PROBLEM NA KRIMEN?
kabaliwan ang ginawa ng anak sa magulang
ay, kalunos-lunos ang balita sa pahayagan
talagang punong-puno ng dugo at kalagiman
matatanong lang natin, bakit siya nagkaganyan?
aba'y pinaghahanap lamang siya ng trabaho!
bakit siya nagalit? durugista? siraulo?
mental health problem? o napika na ang isang ito?
dahil kinukulit ng magulang na magtrabaho?
ang edad ng nasabing tatay ay pitumpu't isa
habang edad limampu't walo naman yaong ina
at edad tatlumpu't tatlo naman ang anak nila
ibig sabihin, adulto na, dapat kumikita
talagang ang nangyaring krimen ay kahindik-hindik
karima-rimarim, talagang kaylupit ng suspek
magulang niya iyon, magulang niya'y humibik
hiling lang ng magulang ay magtrabaho ang lintik
sa follow-up operation, ang suspek na'y nahuli
kinasuhan ng parricide sa krimeng anong tindi
ang Mental Health Act kaya'y mayroon bang masasabi?
nang ganyang kaso'y mapigil? di ako mapakali
- gregoriovbituinjr.
01.13.2025
* ulat mula sa pahayagang Bulgar at pahayagang Abante Tonite, 6 Enero 2025, tampok na balita (headline) at pahina 2
* Republic Act No. 11036 - An Act Establishing a National Mental Health Policy for the Purpose of Enhancing the Delivery of Integrated Mental Health Services, na mas kilala ring Mental Health Act
