PAGBABASA SA OSPITAL
ikatatlumpu't pitong araw sa ospital
animo'y tahanan ng higit isang buwan
dito na naghahapunan, nag-aalmusal
nagbabawas, labahan, liguan, tulugan
umuwi akong bahay, saglit na lumabas
at ang aking mga libro'y agad kinuha
bumalik ng ospital at sa libreng oras
hanggang hatinggabi ako'y nagbasa-basa
kwaderno't panulat ay laging nakahanda
upang itala anumang nasok sa isip
sumagot ng palaisipan at tumula
paksa sa binasang aklat ay nililirip
lalo't ang pinayo ko sa aking sarili
basahin ang anuman, maging kasaysayan
baka may matutunan at magmuni-muni
habang nagbabantay pa rin sa pagamutan
- gregoriovbituinjr.
11.28.2024
