ANYUBOG
mananatili ang pag-ibig
kung may ilalaman sa bibig
mabuti pang bilhin mo'y bigas
kaysa laging kumpol ng rosas
isipin mong pag nasa dilim
liwanag ay makakamtan din
huwag mawalan ng pag-asa
lalo'y iyon lang ang meron ka
sa tingin ako'y makuha man
ay dahil ikaw ang namasdan
mga anyo'y nagkakahubog
lalo na't araw na'y lumubog
sa liwanag ay may anino
iba't ibang hugis man ito
at kung anino na'y nawala
dilim ba'y lumukob nang sadya
- gregoriovbituinjr.
11.03.2022
