Setyembre 5, 2018
Pagbati ko po'y maligayang kaarawan, Nanay
Sa inyong bunying araw, taospusong pagpupugay!
Maraming salamat sa inyo't inyong ibinigay
Ang mahal ninyong anak, ang asawa kong si Libay!
Tulad nyo'y matatag na puno sa gubat ng lungsod
Kaharap man ang suliranin, matibay ang tuhod
Nanay Sophia, biyenang sadyang nagtataguyod
Ng magandang bukas, mga payo'y kalugod-lugod
Nawa'y lagi kayong nasa mabuting kalagayan
Di nagkakasakit at maayos ang kalusugan
Nawa buhay nyo'y humaba pa sa sandaigdigan
Salamat pong muli at maligayang kaarawan!
- gregbituinjr.
