AIR FARE
nais kong muling mangibang bansa
na eroplano'y sasakyang sadya
maglakbay kasama ang diwata
ng buhay tungo sa ibang lupa
pangarap itong paulit-ulit
na sa diwa ko'y di na mapatid
maghanda, mag-ipon at magtipid
upang makabili rin ng tikat
lululan muli ng eroplano
tulad ng napuntahang totoo
Japan, Thailand, Burma, Tsina, ito
pati Pransya ay babalikan ko
madama ang lamig ng paligid
ang kultura roon ay mabatid
at doon salita'y maglulubid
itutula ang bukas na hatid
puso ko ang siyang nag-aatas
mangibang bansa't damhin ang bukas
baka rin katawan ay lumakas
pag naglakbay na sa ibang landas
- gregoriovbituinjr.
02.13.2024
* litrato mula sa app game na Word Connect
