kaya ipinagbawal na ang pelikulang "Oro"
nagprotesta kaya sila nang pinaslang na'y tao?
kaya ipagbawal din ang nag-utos na pangulo?
pelikulang Oro'y di raw magandang halimbawa
pagkat pumatay ng isang asong kaawa-awa
ang panonokhang ba'y isang mabuting halimbawa
gayong pinapaslang na'y ang mga dukhang kawawa
asong pinaslang sa pelikula'y anong kaibhan
sa taong pinaslang, itinapon kung saan-saan
totoo namang aso'y may karapatan din naman
lalo na ang bawat taong sadyang may karapatan
nang aso'y pinaslang, pelikulang Oro'y sinara!
nang tao'y pinaslang, Malakanyang ba'y napasara?
- gregbituinjr.
