ODA SA SINTA
may kwento habang natutulog
ako raw ay nagkukumahog
sa paghabol sa sintang irog
pag-ibig ang iniluluhog
ang pasya ko'y di na sungkitin
sa kalangitan ang bituin
at buwang iyong kukwitasin
tungong pag-iibigan natin
di kita bibigyan ng rosas
handog ko'y isang sakong bigas
upang sa gutom makaiwas
para sa maligayang bukas
oda sa iyo'y aking alay
habang patuloy sa pagnilay
ang iyong OO'y hinihintay
tanda ng pag-ibig na tunay
- gregoriovbituinjr.
04.26.2024
