KA SONNY MELENCIO, IKALAWANG NOMINADO NG PLM
ikalawang nominado si Ka Sonny Melencio
sa Partido Lakas ng Masa, matinong partido
ng babae, kabataan, magsasaka, obrero
manininda, aktibista, at karaniwang tao
higit apatnapung dekadang tibak na kaytatag
matindi ang prinsipyong tangan, di basta matibag
si Ka Sonny ay manunulat at mamamahayag
ang "Full Quarter Storm" ngang aklat niya'y nailimbag
siya ang pangulo ng ating P.L.M. partylist
sa bawat isyu, mataktika, kilos ay mabilis
sa bawat pahayag, pagsusulat niya'y makinis
sa bawat rali, prinsipyo'y dama sa kanyang boses
si Ka Sonny, matatag na lider at aktibista
paupuin natin sa Kongreso ang tulad nila
tiyaking ang P.L.M. partylist ay mangunguna
pag naupo sa Kongreso'y magsisilbi sa masa
- gregbituinjr.
* Nalathala sa publikasyong Taliba ng Maralita, Disyembre 2018, p. 20
