ayusin mo ang buhay mo? ang narinig kong sabi
paano ba aayusin ang buhay na sakbibi
ng lumbay kaya tambay na lang maghapon at gabi
paano aayusin ang buhay na tila pulubi
upang sa kapwa'y magkaroon din siya ng silbi
at di naman magaya sa danas ng tatlong bibi
mahirap namang maghilata lang lagi sa tabi
at pangangarap ng gising ang laging hinahabi
gayong walang naiipon, walang naisusubi
- gregbituinjr.
Miyerkules, Oktubre 11, 2017
Masasagwan ko kaya ang malayong laot
masasagwan ko kaya ang malayong laot
kung lumbay sa katauhan ko'y nanunuot
tatahakin ba ang daang masalimuot
upang pahupain ang naglatang na poot
na sa baradong dibdib ay susundot-sundot
tila naglalagalag ang mga talulot
kumikilos paiwas sa badyang bangungot
sisirin man ang lalim, huwag magbantulot
sa pagsagupa sa kakaharaping gusot
upang inaasam ay di naman maudlot
- gregbituinjr.
kung lumbay sa katauhan ko'y nanunuot
tatahakin ba ang daang masalimuot
upang pahupain ang naglatang na poot
na sa baradong dibdib ay susundot-sundot
tila naglalagalag ang mga talulot
kumikilos paiwas sa badyang bangungot
sisirin man ang lalim, huwag magbantulot
sa pagsagupa sa kakaharaping gusot
upang inaasam ay di naman maudlot
- gregbituinjr.
Mag-subscribe sa:
Mga Post (Atom)