SANA'Y MAKASAMA KITA NGAYONG PEBRERO
ni Gregorio V. Bituin Jr.
15 pantig bawat taludtod
sana'y makasama kita, sinta, ngayong Pebrero
ikaw na diwata kong sa puso'y nagpasilakbo
ikaw na sinusuyo ng pagsintang hanggang dulo
ikaw na kasama sa pakikibaka't prinsipyo
ikaw na dahilan bakit ako'y nagiging ako
ikaw na hangad kong makasama sa buong taon
pagkat di lang Pebrero tayo nagrerebolusyon
pagkat nananatili kang tunay kong inspirasyon
nagkapira-piraso man ang kaysidhing kahapon
ay atin pa ring mabubuo itong bagong ngayon
Linggo, Pebrero 1, 2015
Salamisim sa Pebrero
SALAMISIM SA PEBRERO
ni Gregorio V. Bituin Jr.
15 pantig bawat taludtod
Pebrero, di lang ito panahon ni Valentino
panahon din ito ng pakikibaka't prinsipyo
napalaya ang diktadura noong Edsa Uno
nadeklara ring pambansang buwan ng sining ito
ngunit sa isyung panlipunan, tila di makinig
itong madla pagkat sila'y di rito kinikilig
pagkat Pebrero'y alala lang dahil sa pag-ibig
pagkat sa pagsinta't kaya nilang magkapitbisig
ni Gregorio V. Bituin Jr.
15 pantig bawat taludtod
Pebrero, di lang ito panahon ni Valentino
panahon din ito ng pakikibaka't prinsipyo
napalaya ang diktadura noong Edsa Uno
nadeklara ring pambansang buwan ng sining ito
ngunit sa isyung panlipunan, tila di makinig
itong madla pagkat sila'y di rito kinikilig
pagkat Pebrero'y alala lang dahil sa pag-ibig
pagkat sa pagsinta't kaya nilang magkapitbisig
Mag-subscribe sa:
Mga Post (Atom)