tulang TAGAIKU (TAnaGA at haIKU)
i
nakangiti ang pusong
pinaglagyan ng napkin
habang tila naglaho
ang tulang sasambitin
tuloy ang tagay
kasabay ng pagnilay
sa ngiti't lumbay
ii
pag ikaw'y nasa rurok
niyang sistemang bulok
ah, nakasusulasok
lalo't di mo malunok
nasa tuktok man
ay di malilimutan
ang nakaraan
iii
baso'y iindak-insak
bote'y humahalakhak
sa puso nakaimbak
ang laksang luha't galak
aking nilaro
ang tanikalang gintong
dapat mapugto
- gregoriovbituinjr.
07.21.2022
