LABIS-LABIS KITANG INIIBIG
ni Gregorio V. Bituin Jr.
15 pantig bawat taludtod
Labis-labis kitang iniibig, aking diwata
Ako ang Prince Charming mong nariritong lumuluha
Nawa'y tanggapin mo ang pagsinta ko, aking mutya
Iniibig kita, saksi ko ang langit at lupa
Mahal ko, sa aking piling, ikaw ay giginhawa!
Ako ang iyong Prince Charming, naritong taas-noo
Tuhod ko'y matatag, kung sumipa'y parang kabayo
Isipan ko'y maparaan, dumatal man ang bagyo
Ramdam ng puso kong ako'y magiging iyung-iyo
At makakasama ka hanggang sa dulo ng mundo.
- circa 1984-85, sampaga, balayan, bats.
Sabado, Enero 17, 2009
Sinusulyap-sulyapan kita noon
SINUSULYAP-SULYAPAN KITA NOON
ni Gregorio V. Bituin Jr.
15 pantig bawat taludtod
Sinusulyap-sulyapan kita noon, ang ganda mo!
Ikaw ang nais kong makasama, iniibig ko!
Labi mo'y kaysarap hagkan, mga mata'y kay-amo
Akin kitang yayapusin, kukulungin sa braso...
Naririnig ba ng iyong puso ang aking hibik?
Iwing puso ko sa iyong pagsinta'y nasasabik!
Mahal kita, di na ako magpapatumpik-tumpik
Ako sa iyo'y susuyo, landas man ay matinik.
Tunay ang aking pag-ibig, nawa'y iyong tanggapin
Ikaw, kitang dalawa, ang pamilyang bubuuin
Alay ko sa iyo ang araw, buwan, at bituin!
- circa 1984-85, sampaga, balayan, bats.
ni Gregorio V. Bituin Jr.
15 pantig bawat taludtod
Sinusulyap-sulyapan kita noon, ang ganda mo!
Ikaw ang nais kong makasama, iniibig ko!
Labi mo'y kaysarap hagkan, mga mata'y kay-amo
Akin kitang yayapusin, kukulungin sa braso...
Naririnig ba ng iyong puso ang aking hibik?
Iwing puso ko sa iyong pagsinta'y nasasabik!
Mahal kita, di na ako magpapatumpik-tumpik
Ako sa iyo'y susuyo, landas man ay matinik.
Tunay ang aking pag-ibig, nawa'y iyong tanggapin
Ikaw, kitang dalawa, ang pamilyang bubuuin
Alay ko sa iyo ang araw, buwan, at bituin!
- circa 1984-85, sampaga, balayan, bats.
Mag-subscribe sa:
Mga Post (Atom)