Sa Dagat ng Kalungkutan

SA DAGAT NG KALUNGKUTAN
ni Gregorio V. Bituin Jr.
14 pantig bawat taludtod

mabubuhay ako sa dagat ng kalungkutan
kung sakaling mawawala ang iyong pagsinta
doon ko lulunurin ang abang kalagayan
ang pagkawala mo'y simula ng pagdurusa

habang umaalon ang kalungkutan sa dagat
akong sumisinta man sa ginaw nanginginig
unti-unti mang maagnas ang puso kong salat
narito ka pa rin, nais kitang makaniiig

sa dagat man ng kalungkutan ako mabuhay
at palagian mang dalawin ng Haring Araw
sa dagat na ito'y mistula na akong patay
para bang puso ko'y ulit-ulit binalaraw