MALIGAYANG KAARAWAN, INAY
pagbati po ng maligayang kaarawan, Inay
sa pagmamahal mo'y taospusong pasasalamat
sa mga nagawa sa mga anak, pagpupugay
dahil kami'y pinalaki at iningatang lahat
mula sa sinapupunan, kami'y inalagaan
pinakain, pinag-aral, at minahal nang lubos
ginagabayan, pinapayuhan, pinangaralan
nasa aming tabi hanggang kami'y makapagtapos
salamat pong taos sa inyong pagpapakasakit
upang kami'y mapanuto hanggang kami'y lumaki
ikaw sa puso namin ay lalaging nakaukit
ina po kayong tunay naming pinagmamalaki
muli, Inay, Mommy, Mama, Nanay, Happy Birthday po
binabati po namin kayo ng buong pagsuyo
- junjun at libay
09.06.2024
