Martes, Agosto 7, 2018

Unos

UNOS

unos ay kaytagal, di humuhupa
tulad ng aking hibik at pagluha
laksa-laksang tubig ang rumagasa
dinadalirot ang puso ko't diwa

wala sanang malunod sa pagsubok
lalo't wala pang laman ang palayok
ang di malasahan ay di malunok
ano ba yaon at di ko maarok

tinipon ang iba't ibang panambak
upang ilagay sa maraming lubak
mga kamay ko'y puno man ng lipak
may tutubo ring magandang bulaklak

may pag-ibig sa pagitan ng unos
na sa mutya'y ihahandog kong lubos

- gregbituinjr.