tula ang daan upang sa lubak ay makaahon
habang bagtas ang kumunoy ng covid at depresyon
damdamin ay nilalabas sa taludtod at saknong
di raw kasi makita sa mukha ko ang ekspresyon
habang tinitiis lang ang nararanasang bigat
habang paminsan-minsan pa rin ang pamumulikat
habang iniinda ang nangangalay kong balikat
habang napapatitig sa balantukan kong sugat
mabuti't sa akin ay may tumitinging diwata
at ginagabayan ako ng engkantadang mutya
di hinahayaang anumang sakit ko'y lumala
hanggang init ng katawan ko'y tuluyang bumaba
noong nagdedeliryo'y akin nang isinatitik
ang nasa loob ng walang imik o pagkasabik
mga naranasan sa utak ko'y pabalik-balik
na pawang sa taludtod at saknong naihihibik
- gregoriovbituinjr.
11.02.2021
