SALAMAT SA MAKAKALIKASANG KILUSAN
ni Gregorio V. Bituin Jr.
17 pantig bawat taludtod
salita lang ang salamat, ngunit mahalagang salita
na dapat mamutawi sa labi o maisulat kaya
taos-pusong dapat ihandog sa kapwa tao't kilusan
upang matiyak lamang gumanda ang mundo at lipunan
makakalikasan silang inspirado, iminulat ang madla
kayrami rin nilang nagsakripisyo, kayraming nagluksa
salamat ay salita lamang, ngunit napakahalaga
pagkat bukas at buhay ng uri't bayan ang naalala
kilusan sa kalikasan, bayanihang di maikubli
sadyang katangi-tangi kayo't hindi dapat isangtabi
salamat ng marami sa kilusang makakalikasan
sa inyo ang pagpupugay ko't bayani kayo ng bayan
