higit pa sa pagtindig ng balahibo
kundi halos makawasak ng kalamnan
lumutang sa madla'y marahas na bidyo
ng labanan, kasuka-sukang pagpaslang
sa nangyari, madla'y dapat makabatid
may isa raw teroristang bumulagta
ngunit bakit dugo'y sa lupa bumahid
apatnapu't apat silang nangapuksa
palipad-lipad ang humuhuning uwak
habang kalapati'y nanatiling kimi
hustisya ba'y pagong, naroon sa lusak
o ito ba'y leyon, kahit humihikbi
- gregbituinjr/021215
