Ang langit at alapaap
ang langit at alapaap
ay nariyang lumilingap
ang diwata at bulaklak
ay naroroon sa lambak
bakit laging hinahanap
ang di naman mahagilap
iiyak ba o hahalakhak
ang umiinom ng alak
pinagmasdan ko ang ulap
habang tila nangangarap
alagaan ang pinitak
para sa bukas ng anak
buhay ma'y aandap-andap
huwag sanang mapahamak
atin kayang magagagap
na puputi rin ang uwak
- gregoriovbituinjr.
* kuha ng makatang gala habang naglalakad kung saan-saan
