SA PULA PINALULUTANG
sa pula pinalulutang
ng may mga pusong halang
ang puntiryang natatambang
sila na ba'y nahihibang
para nga ba sa hustisya
o dahil lamang sa pera
buhay nga ba'y barya-barya
puso ba nila'y masaya
isipan ay nasa bangin
at lumulutang sa hangin
paraiso'y nais hingin
ngunit siya ba'y diringgin
tokbang ay tigilan na ninyo
kung wala namang proseso
- gregbituinjr.
Walang komento:
Mag-post ng isang Komento