SA PANAHON NG TOKBANG
natakot ang mga kriminal
natuwa naman ang kapital
gayong kapwa sila pusakal
at pareho ng inaasal
sa kapwa'y walang pakialam
sa dukha'y walang pakiramdam
para sa pera'y nang-uuyam
sariling galing lang ang asam
ang nais ng negosyo'y tubo
asam ng kriminal ay luho
ugali nila'y kapwa mabaho
mga sakim na dapat maglaho
sila'y dapat lang pawiin
sa lipunang dapat baguhin
- gregbituinjr.
Walang komento:
Mag-post ng isang Komento