ni Gregorio V. Bituin Jr.
10 pantig bawat taludtod
huwag mong paglaruan ang apoy
lalo pag ikaw ay kinakapoy
baka sa iyo ito sumaboy
at ikaw ay maging litsong baboy
na sa pagdurusa'y nanguluntoy
suliranin dapat nilulutas
sa paraang lahat ay parehas
walang lamangan o mandurugas
tiyaking bawat sulok ay patas
upang sa apoy ay di maagnas
Walang komento:
Mag-post ng isang Komento