KAILANGAN KITA SA BAWAT ADHIKA
ni Gregorio V. Bituin Jr.
12 pantig bawat taludtod
kailangan kita sa bawat adhika
prinsipyo kang lantay at puspos ng diwa
sa akin ba'y iyo kayang mahalata
tinititigan ka sa bawat tunganga
kita'y aktibistang narito sa parang
ng digma't adhikang sadyang manibalang
binibira yaong ang sistema'y halang
na sa karapatan, madalas mangharang
ikaw'y amasona sa puso kong taring
nais kitang dalhin sa may toreng garing
ikaw na may taglay ng diwang magiting
na sa iwing puso'y laging naglalambing
di ko kakayaning baguhing mag-isa
ang hinayupak na bulok na sistema
magtatagumpay lang ako, aking sinta
kung sa nasang ito'y makasama kita
Walang komento:
Mag-post ng isang Komento