ANG NAWALA KONG INSPIRASYON
ni Gregorio V. Bituin Jr.
10 pantig bawat taludtod
wala na ang aking inspirasyon
sa ibang bansa na naglimayon
nilugmok na ako ng kahapon
paano na itong aking ngayon?
siya ba'y hanggang gunita na lang?
na di ko na ba masusumpungan
pagbabalik niya'y aking abang
huwag niya akong kalimutan
inspirasyon ko'y kailan kaya
makapiling muli ng makata
nabuburo ang aking pagkatha
ng obra mulang siya'y mawala
sana, ang bugtong kong inspirasyon
ay magbalik sa aming kahapon
upang buuin ang bagong ngayon
at kathain yaong nasa't layon
Walang komento:
Mag-post ng isang Komento