ALAM KONG MAHIRAP MAPAG-ISA
ni Gregorio V. Bituin Jr.
10 pantig bawat taludtod
alam kong mahirap mapag-isa
kaya yata ako isinilang
nang tayong dalawa'y magkasama
hanggang sa dulo ng walang hanggan
ayaw kong tuluyan kang mag-isa
narito ako't nagsusumamo
itinakda ba tayong dalawa
kaya narito ako sa iyo?
alam kong mahirap mapag-isa
kaya sasamahan kita, mahal
kahit pa saan ka man magpunta
saan pa mang lupalop dumatal
di ka na mag-iisa, sinta ko
pagkat lagi'y kasama mo ako
Walang komento:
Mag-post ng isang Komento