ANG ROSAS SA PANAGIMPAN
ni Gregorio V. Bituin Jr.
ikaw ang dilag sa panagimpan
kaysarap ng iyong halaklak
sumusuot sa aking kaibuturan
kaysarap mong pagmasdan
di kasasawaang titigan
dinadalirot ang aking puso
ngunit rosas kang di mapitas
pa sa ngayon, dahil kita'y
iniingatan, minamahal
patuloy na dinidiligan
patuloy na tinititigan
patuloy na pinapangarap maangkin
darating ang araw
rosas kang aking pipitasin
upang tuluyan kang maging akin
Walang komento:
Mag-post ng isang Komento