PAGLILIBANG, PAGKAHIBANG
ni Greg Bituin Jr.
nainom ko'y dalawang beer pa lang
at ikaw'y naaalala
sarili ko'y aking nililibang
habang wala ka pa, sinta
sa magandang weytres nadadarang
dahil wala ka pa, sinta
ang puso ko kunwa'y inuumang
sa weytres na dalaga pa
pagkat wala ka pa'y nahihibang
sa weytres na pagkaganda
ngunit ayokong ako'y manlinlang
ikaw ang nais ko, sinta
di ko ugaling makapanlamang
lalo na't seksing dalaga
nainom ko'y dalawang beer pa lang
sinta ko, nasaan ka na?
Walang komento:
Mag-post ng isang Komento