Uno, Dos, Tres

UNO, DOS, TRES
ni Gregorio V. Bituin Jr.
11 pantig bawat taludtod

Uno

Panawagan natin sa kapwa tao
Baguhin natin ang sistemang ito
Pagkat salot itong kapitalismo
Sa buhay ng dukha't aping obrero

Dos

Kapitalismo ang bumubusabos
Sa mamamayan ng bayan kong kapos
Sadyang tayo'y kanilang inuubos
At unti-unti nilang pinupulbos

Tres

Huwag pabayaang tayo'y magahis
Ng sistemang bulok na sadyang lihis
Kaya tayo'y dapat magbigkis-bigkis
Upang sa kapitalismo'y tumiris