Kung ako'y iyong binigo

KUNG AKO'Y IYONG BINIGO
ni greg bituin jr.
9 pantig, soneto

ayokong sa iyo'y mabigo
nais kitang maging kasuyo
solo mo itong aking puso
at nawa ito'y di magdugo

huwag mo sanang paduguin
ang kaytatag kong pusong angkin
nais kong ikaw'y maging akin
at ako'y maging iyo na rin

ngunit kung ako'y mabibigo
na maangkin ko ang iyong puso
puso ko'y tiyak magdurugo
at ako'y baka na maglaho

iniibig kita, o, giliw
pag-ibig ko'y di magmamaliw