MATAAS NA BAKOD MAN ANG PAGITAN
ni Gregorio V. Bituin Jr.
mataas na bakod ang nakapagitan
sa ating dalawa
anuman ang taas ng bakod na iyan
nais kong sumampa
nang makita kita't muli'y masilayan
ang angkin mong ganda
ang nais ko'y ikaw ang makatuluyan
at makasama ka
sa buong buhay ko pagkat naramdaman
ko sa yo'y pagsinta
o, magandang dilag nitong panagimpan
minamahal kita
Walang komento:
Mag-post ng isang Komento