DI KA MAN SI ARA MINA
ni Gregorio V. Bituin Jr.
hindi ka isang diyosa
ngunit ikaw'y aking sinasamba
hindi ka isang diwata
sa panaginip ko'y tumatawa
hindi ka si Ara Mina
na sa damdamin ko'y nagpakaba
ngunit sa puso'y reyna ka
ng aking panimdim at paghanga
ng ligaya, luha't tuwa
kaya ang puso ko'y nagbabagà
sa pagmamahal mo, kayâ
kahit di ikaw si Ara Mina
pinakaiibig kita
hanggang kamatayan, aking sinta
Walang komento:
Mag-post ng isang Komento