TULA . 45
ni Greg Bituin Jr.
Ang tula’y parang kalibre .45
Ang taludtod ang siyang puluhan
Ang saknong ang siyang kaluban
Ang tayutay ang siyang gatilyo
Ang talinghaga ang siyang punglo
At ang makata ang siyang birador
Na maaaring pumaslang
Sa baluktot na utak
Ng mga kaaway ng masa.
Nalathala sa publikasyong Taliba ng Maralita, opisyal na publikasyon ng Kongreso ng Pagkakaisa ng mga Maralita ng Lungsod (KPML), Tomo IX, Blg. 2, Taon 2004, p.8.
Walang komento:
Mag-post ng isang Komento