PAGDUGTUNGIN ANG MAGKAKAKULAY
munting laro lang sa app ng selpon
at patalasan ng isip iyon
tila ba malupit siyang misyon
kaya dapat mabilis ang tugon
sadyang pag-iisipan mong tunay
ang pagdugtong ng parehong kulay
bawat espasyo'y daanang husay
at walang blangko sa bawat hanay
sa diwa'y ehersisyo talaga
lalo sa panahon ng pahinga
mula sa trabahong napagod ka
at nais mong maka-relaks muna
sinasanay ang diskarte't isip
sa bagay na sakaling mahagip
pag tamang tugon ay nalilirip
sa puso'y may saya't walang inip
- gregoriovbituinjr.
10.14.2024
* litrato mula sa app game na Dot Line
Walang komento:
Mag-post ng isang Komento