SA KAARAWAN NI MISIS
maligayang kaarawan kay misis
na pinadamang pagsinta'y kaytamis
katuwang sa galak man at hinagpis
sa kalusugan at sa pagtitiis
kabertdey niya sina Nida Blanca
ang megastar na si Sharon Cuneta
ang Katipunerang si Tandang Sora
at si Joan of Arc ng bansang Pransya
happy birthday at maraming salamat
nakasama kita sa lahat-lahat
problema ma'y magaan at mabigat
tayo pa ri'y nagsasamang maluwat
isang tula man ang tangi kong handog
ito'y mula sa puso, aking irog
hiling ko'y manatili kang malusog
tumamis pa ang ngiti mo't alindog
- gregoriovbituinjr.
01.06.2023
Walang komento:
Mag-post ng isang Komento