PAGDAMA
"Fill your paper with the breathings of your heart.” –William Wordsworth
paminsan-paminsan di man madalas
ay naiiba ang nilalandas
malayo, animo'y walang bukas
na naninilay ay di mabigkas
minsan, sa langit nakatingala
walang maisip, natutulala
habang pinagmamasdan ng dukha
ang buhay na sadyang walang-wala
gayunman, sa kanya'y ipinayo
damhin kung ano ang nasa puso
baka naroroon ang pagsuyo
at pagsinta, di lamang siphayo
kaya ang pluma't kwaderno'y kunin
at isulat ang alalahanin
pagbabakasakali'y isipin
baka may tugon sa suliranin
laman ng akda'y buntonghininga
at sa puso'y nawala ang bara
nakakatulong palang talaga
upang madamang may pag-asa pa
- gregoriovbituinjr.
01.04.2023
Walang komento:
Mag-post ng isang Komento