nakatingin ako sa kawalan
habang doon ay nagpuputukan
mawawalan ng daliri'y ilan
dahil sa labintador na iyan
sa ospital ba'y sinong tututok
iyon bang binilhan ng paputok
at sinong magbabayad sa turok
at gamot kung walang naisuksok
hahayaan ka ng pinagbilhan
wala raw silang pananagutan
di raw naman nila kasalanan
pag daliri mo na'y naputukan
aba'y nabentahan ka na nila
masaya na't tumubo na sila
walang paki pag nadisgrasya ka
nang maputol ang daliri, huwaaa!
- gregbituinjr.
Walang komento:
Mag-post ng isang Komento