SA IYO, KLASMEYT
Maligayang kaarawan ang aking bati
Sa iyo, klasmeyt, nawa'y lagi kang manatili
Na di nagkakasakit, malakas kang lagi
At di nawawala ang maganda mong ngiti.
Sa iyong kaarawan ay maging masaya
At maging maligaya ang iyong pamilya
Kaibigan, katrabaho sa opisina
Pananaw sa mundo'y manatiling maganda.
Ngayong kaarawan mo'y tanging hiling lamang
Maging malusog ang katawan mo't isipan
Maging matatag anuman ang pagdaanan
Muli, sa iyo'y maligayang kaarawan!
05/29/2019
Walang komento:
Mag-post ng isang Komento