Tuloy pa rin ang tulaan kahit na walang pulutan

TULOY PA RIN ANG TULAAN KAHIT NA WALANG PULUTAN

tuloy pa rin ang tulaan
kahit na walang pulutan
ganyan nga ang barkadahan
nitong magkakaibigan

atat na manalinghaga
kahit na maraming muta
kahit gumapang sa lupa
tutula kahit tulala

kasama'y kaygandang dilag
tunay kang mapapapitlag
ganda niya'y masisinag
kaya puso ang nabihag

tagay ka muna, pare ko
wala mang pulutan dito
ang dalit ko'y basahin mo
at malalasing kang todo

hik, ako na yata't lasing
baka tanghaliing gising

- gregbituinjr.