Kami'y sama-samang nananawagan ng "Hukayin!"
Ang labi ng diktador sa L.N.M.B.: "Hukayin!"
Marcos, sa Libingan ng mga Bayani nilibing
Iniligaw na ang kasaysayan ng bayan natin
Yinanig ang bayan kaya masa'y agad kumilos
Binira ang paglilibing, pati na ang nag-utos
Libingan ng mga Bayani'y di para kay Marcos
Oo, pagkat kasaysayan ang kanilang binastos
Commitment ng grupong Block Marcos ay sadyang matindi
Kumilos agad nang kasaysayan na'y binibigti
Mahinahon, matatag, may laman ang sinasabi
At sa bawat galaw ay talagang nagpupursigi
Ramdam nating ang buong bayan ay di nalulugod
Conscious silang kasaysayan ng bansa'y pinilantod
Organisahin ang hanay, tayo'y magbuklod-buklod
Sama-sama nating isigaw: "Hukayin ang puntod!"
- gregbituinjr.
Walang komento:
Mag-post ng isang Komento