halina't aalalayan kita
at aalayan kita ng kanta
sintunado man itong musika
ay may mensaheng sa iyo dala
ibinubulong ng aking diwa
tatahakin ang ligaya't tuwa
kung minsan man ay may dusa't luha
mahalaga tayo'y pinagpala
kitang dalawa'y magkapitbisig
tanawin ang magandang daigdig
sa bawat isyu'y dapat tumindig
at sa tama lang tayo pumanig
di man tanaw ang langit-langitan
ginto ma'y naroon sa putikan
ang araw ma'y takpan ng karimlan
may liwanag ding matatagpuan
- gregbituinjr.
Walang komento:
Mag-post ng isang Komento