sa lungsod man o liblib
sa laot man o yungib
kumunoy o talahib
may halik na sibasib
labi ko'y iyong hagkan
mahal kong kasintahan
ang noo kong pawisan
iyo namang punasan
pawisan mang tulad ko
marunong mag-araro
kakayod hanggang dulo
para lamang sa iyo
siilin mo ng halik
akong humahagikhik
kapara ko ma'y lintik
di ako titiwarik
- gregbituinjr.
Walang komento:
Mag-post ng isang Komento