iyang paglabag sa karapatang pantao
ay parang paglabag sa sariling talino
di na ginagawa ang pagpapakatao
at dangal ng kapwa'y di na nirerespeto
kung karapatang pantao na'y nilalabag
at ang tagapagtanggol nito'y naduduwag
takot sa puso ng bayan ang nadaragdag
at animo sambayanan na ang binihag
karapatang pantao'y dapat respetuhin
para sa kinabukasan ng bayan natin
ang bawat karapatan ay mahalagahin
pakikipagkapwa itong talagang atin
- gregbituinjr.
Walang komento:
Mag-post ng isang Komento