ni Gregorio V. Bituin Jr.
10 pantig bawat taludtod
umiibig ang makata ngunit
walang nagkakamaling umibig
sa makatang ulayaw ng lumbay
tanong ng dalagang sinusuyo:
"makabibili kaya ng bigas
o makagagawa ba ng bahay
ang mga hinahabi mong tula?
makata, di ba't ikaw rin yaong
nagsabing walang pera sa tula?"
ang makata'y wala nang magawa
at inunawa na lang ang mutya
nangyari'y kanya na lang tinula
at bakasakaling may maawa
at ang kanyang puso ay matudla
Walang komento:
Mag-post ng isang Komento