KALIKASANG INUUK-OK
ni Gregorio V. Bituin Jr.
9 pantig bawat taludtod
usok na nakasusulasok
mga plastik na di mabulok
pagkasira ng mga bundok
at nakakalbo na ang tuktok
dagat na sa basura'y lugmok
pagmimina'y matinding dagok
tayo ba'y nagiging marupok
pagkat problema'y di maarok
pag ito'y umabot sa rurok
saka lang ba tayo lalahok
sa paglutas sa pagkabukbok
ng kalikasang inuuk-ok
ng sistemang sa tubo'y hayok
na sa mundo'y nagpapagapok
Walang komento:
Mag-post ng isang Komento