MAARI BA KITANG MAGING BITUIN?
ni Gregorio V. Bituin Jr.
10 pantig bawat taludtod
maari ba kitang maging bituin
at makasama sa bawat layunin
pag-ibig kang sa puso'y nakahain
sana'y maging kita kung papalarin
ang pakpak ng panahon nawa'y dinggin
kahit sampung bundok ay tatawirin
kahit ilang dagat ay lalanguyin
ng lingkod mong nawa'y pakaibigin
ang lahat-lahat ay aking gagawin
ng ikaw lang, dilag, ay maging akin
bagong bukas ay ating uukitin
di ka magsisising ako'y sagutin
bagong pangarap ay ating bubuuin
payag na't nang ako'y iyong maangkin
Walang komento:
Mag-post ng isang Komento