"ANG CLIMATE WALK AY LAKAD NG BAWAT PILIPINO" - COMM. YEB
ni Gregorio V. Bituin Jr.
11 pantig bawat taludtod
nagpapatuloy pa rin ang Climate Walk
at sa adhikain ay nakatutok
patuloy ang pagdami ng kalahok
lahat ay nais marating ang rurok
walang isang organisasyon dito
yaong magsasabing nanguna rito
di lang ito lakad namin o ninyo
ito'y lakad ng bawat Pilipino
- sa konsyerto, gabi, sa church compound, Irosin, Sorsogon, Oktubre 25, 2014
- Comm. Yeb = si Commissioner Naderev "Yeb" Saño ng Climate Change Commission ng Pilipinas, at punong negosyador ng Pilipinas sa United Nations
* Ang tulang ito ay isa sa serye ng mga tulang sinulat ng makata sa Climate Walk mula Luneta hanggang Tacloban na nagsimula ng Oktubre 2, 2014 at magtatapos sa Nobyembre 8, 2014, ang unang anibersaryo ng napakatinding bagyong Yolanda
Walang komento:
Mag-post ng isang Komento